السلام عليكم ورحمه الله وبركاته
ازيكم ياجماعه عاملين ايه
وحشتكم انا صح اكيد اكيد انا عارفه لان استحاله تكونو وحشتونى وانا لا الا اذا بقى................
المهم انا موضوعى ده هو عباره عن رد على تعليق جانى على اخر موضوع كتبته ادا عرف السبب فياريت تسمحلى صاحبه التعليق ان ارد هنا لتعم الفائده
التعليق هو
جميلا اوي الالتزام ومعتقدش ان في حد ممكن يرفضه وربنا ييسرلك طريقك ويهديكي الي الصواب بس الالتزام مش نقاب وخمار و ...... الخ الالتزام بيكون من داخل النفس البشريه ده هو اللي اهم وكمان لازم تكوني واثقه في الكلام اللي انتي بتسمعيه يعني مش شرط ان الشيخ اللي انتي ذكرتي اسمه علشان هو جوز بنت الشيخ محمد يعقوب يكون كلامه صح مئه بالمئه اسئلي واستفسري من علماء الازهر علشان هما اللي موثيق فيهم بجد وطبعا اتمنالك الهدايه ليكي ولينا كلنا ابناء محمد صلي الله عليه وسلم اجمعين
ردى انا
فعلا ياجماعه الالتزام مش حجاب او خمار او حتى نقاب وبس
سواء حجاب ..خمار ده مش معنى الالتزام فعلا بس لازم عشان نلتزم يبقى لازم نطيع ربنا و ديه اوامره لينا عشان كدة ديه خطوة و نسأل الله ان يصلح قلوبنا بنوايانا الصادقة
سواء حجاب ..خمار ده مش معنى الالتزام فعلا بس لازم عشان نلتزم يبقى لازم نطيع ربنا و ديه اوامره لينا عشان كدة ديه خطوة و نسأل الله ان يصلح قلوبنا بنوايانا الصادقة
وبالنسبه للموقع اللى ذكرته وهو منهج فاحنا فى منهج بنحاول ربنا ييسر لنا ان نصلح ما بداخلنا من دراسة علم شرعى و الاجتماع على طاعة و غيره من الامور
اما عن الشيخ فبرده الكلام صحيح لكن برده المفروض انه يوصل لبالك شىء صغير ان الشيخ يعقوب عمره ما هيجوز بنته انسان شيعى مثلا او داعية ملوش لازمة
وكمان حبيبتى فى الله انتى ليكى ولكل الاخوه والاخوات انهم يتأكدو من الشيخ ومن صدق علمه فممكن ان تطلعى على ترجمه الشيخ على الموقع لكى تعلمى انه يحضر الماجستير ربنا يوفقه وتطلعى وتعرفى علمه وكمان تشوفى المشايخ اللى تلقى العلم على يديهم وهو ذاكرهم ووذاكر فضلهم عليه ومن هو الاب الروحى له
وكمان لكى ان تستمعى الى درووسه وخطبه ولكى ان تحكمى عقلك واذا وجدتى فيه ما يخالف الشرع فارجو منك ابلاغنا يمكن ان تكون على اعيننا غشاوه وبارك الله فيكى وعليكى اختى وحبيبتى فى الله
هناك 7 تعليقات:
اولا : مكنتش اعرف ان تعليقي مهم اوي كده لدرجه انك تعملي عليه موضوع خاص
ثانيا : اه هو اينعم الحجاب والنقاب شرعي بس الخمار مش فرد علينا بس ممكن وممكن ومعاهم لازم التقي بالله يعني مش شرط اني البسه وكمان انتي ممكن تلاقي واحده لبسه شبه هدوم ومع ذالك تعرف ربنا وواحد لبسه وكل حاجه بس مش ماشيه بيه ولبساه منظره
ثالثا : بالنسبه للموقع ففي اكتر من مليون موقع يدعي الاسلام ولا يعرف حاجه عنه
رابع :وبالنسبه للشيخ هو معاه ايه يعني "دراساته منين ؟" انا علشان اثق في كلام حد خصوصا في الدين لازم يكون من الازهر والله اعلي واعلم وبردو مش شرط علشان متجوز بنت الشيخ محمد يعقوب يعني مش شرط بردو وده بترجع للحاله النفسيه بقي وكمان في ناس كتير بتروح تقرأ في التفسير وكام حديث وتدعي المشيخه واكيد انتي وغيرك تعرفوا كدا كويس وخلي بالك ان في ناس كتير بتدعي الاسلام
ياريت نخلي بالنا منهم
وكمان ممكن أسألك سؤال لو في بنت كويسه اوي والكل بيقولك صحبيها ده زوق واخلاق ودين وفيها كل الميزات وانتي مش في راحه نفسيه هتصحبيها ولا لا ؟؟؟ سلام يا صحبتي في الله
صحيح نسي اقولك اوعدك ادخل واشوف الموقع " منهج " وابقي اقولك رأي
السلام عليكم ورحمه الله وبركاته
انا كان لى تعليق صغير على كلام حب العمر
اولا لما حضرتك تقولى ان واحده ممكن تكون لابسه شبه هدوم بس متقيه ربناوتعرف ربنا انا معاكى انها ممكن تكون تعرف ربنا وبتحاول تقرب منه بس لازم كل شىء وله دليل انا بحب ربنا وخيفه منه يبقى لازم اعمل ما امرنى به وانتهى عما نهانى عنه معلشى يعنى مش البس لبس افتن بيه غيرى واقول المهم القلب ابيض وانا بينى وبين ربنا عمار لاء دى هتاخد ذنوب على كل الى يفتتن بيها كمان
ومعاكى ان مش كل الى لبسين زى شرعى احوالهم كويسه مع ربنا بس هو كل واحد بيغلط وبيحاول يرجع تانى لربنا بس منقفشى عند نقطه معينه واقول المهم انا جوايا ايه لا لازم طالما عايزين نقرب يبقى نتغير ويكون تغيير من جوا ومن بره
ياريت يكون قصدى وصلك
وبالنسبه لكلامك عن الشيخ والموقع اظن ان حضرتك لازم تسمعى الشيخ وتشوفى الموقع الاول وبعد كدا تقدرى تحكمى صح
اما بالنسبه للازهريين فانا بصراحه مش مقتنعه بكلام حضرتك لان الازهرى ممكن يكون عنده علم بس مش بيقدر يوصله باسلوب يحببك فى الدين بالعكس ممكن ينفرك منه ودا برضو زى غير الازهرى المهم يكون الشيخ اتعلم على ايد مين وهو بيقول وفق الكتاب والسنه ولا لا
يعنى ممكن اقول لحضرتك ان الشيخ حسان خريج اعلام والشيخ يعقوب خريج تربيه والشيخ المصرى خريج خدمه اجتماعيه هل لازم عشان نسمع كلام دول يكونوا خريجين ازهر
بالعكس فى مشايخ وخاصه الازهريين لان لهم سلطه فى الدوله ممكن يقولوا فتاوى مخالفه عشان المنصب يعنى انا سمعت شيخ له منصب وازهرى يقول ان لبس البنات للبناطيل مش حرام وزين كلامه انه لازم يكون فضفاض وواسع
وقريب شيخ يقول ان البنوك ارباحها مش ربا مع انه كان قبل توليه المنصب كان يقول ربا
يبقى المشكله مش ازهرى او لا المشكله صدق كلامه واسلوبه والطريقه الى يوصل بيه كلامه للقلب
معلشى طولت عليكى وياريت يكون عند حضرتك سعه صدر لكلامى
اولا ميرسي اوي لكلامك " غير معروف " بس انا فعلا قولت ان الواحده ممكن تلبس شبه لبس وتكون تعرف ربنا ايوه فعلا كون انها هتأخذ ذنوب فاربنا هو وحده اللي هيحسبها مش أنا أو أنتي او حد تاني
أما بالنسبه لكلام الشيخ أنا قولت بردوا أنه بيكون حاله نفسيه يعني أنتي بترتاحي لكلامه انا لا ومش شرط علشان متجوز بنت الشيخ يعقوب يبقي ومفتي الديار المصريه مين هو ؟؟؟ ده سؤالي
مش معني اني اروح أقرأ في الدين والسنه واتجوز احد يقرب لاحد الشيوخ ابقي انا شيخه او داعيه اسلاميه مستحــــــــيل مستحـــــيل
بالنسبه لمشايخ الازهر هما اللي المفروض اثق في كلامهم هما اكتر الناس معرفه ومتقوليش هيغيروا علشان المنصب الدين مش منصب ومعتقدش ان في حد ممكن يخالف ضميره ودينه وربه اولا علشان المنصب هما ناس درسين وعلي معرفه وافيه " اهل مكه ادري الناس بشعوبها " يعني لما احب اعرف حاجه في الدين اروح لبتوع الدين عاوزه بطاطه اروح لبياع البطاطه
ارجوا ان يكون قصدي وصلك وان يكون سع صدرك كلامي
وأن الاختلاف في الرأي لا يفسد للود قضيه
السلام عليكم
انا أختكم "نور أحمد"..
جزاكي الله خير بنت الاسلام على الموقع الأكثر من رائع حقيقة
الشيخ هاني حلمي شيخ جليل حقيقة نحسبه على خير ..وهو شيخ عرفناه من قبل موقع منهج من خلال لقاءاته وبرامجه الدينية على القنوات الفضائية ولا سيما قناة الناس..
على العموم انا عرفت عنه اكثر والله من خلال موقع منهج ومن خلال سيرته ما شاءالله..
انا معلش اسمحيلي يا أخت "حب العمر" أوجه لكي سؤال : هو مشايخ الأزهر طبعا نحسبهم على خير ونحترم علمهم وربنا يزيدهم علما كلنا بنثق فيهم كمشايخ اسلام وانتي كمان بتحبيهم وواثقة فيهم! طيب عرفتي عنهم إزاي؟ مش المفروض إنك سمعتي عنهم وقرأتي سيرتهم؟ طيب بالزبط كده الحاصل مع الشيخ هاني عرفناه من خلال قراءة سيرته وأعماله كمان..والنوايا ودخائل النفوس يا حبيبتي لا يعلم بها إلا الله سبحانه..
وبالنسبة لموضع اللباس ومحبة الله ..
نعم هو صحيح مش كل لابسة للنقاب أو الخمار أو حتى الحجاب تتقي الله حق تقاته..ولكن اللي نازعة الحجاب يا أختي كأنها بتقول من غير ما تشعر" يا جماعة انا لا أتق الله" استغفر الله ..لأنه اللي بيخاف ربنا وبيتقيه أول ما يصنع هو اتباع أوامره ..لأنه عقاب نزع الحجاب واللبس "النص هدوم" عقاب شديد تخشاه كل فتاة مسلمة تخشى الله تعالى .. كما هو الحال مع باقي العصاة يعني مش بس المتبرجة..
وهنا لا اتهم أي متبرجة لا والله ..ولكن الغالبية العظمى إن لم يكن الجميع من المتبرجات بعد ان يهديهن الله للبس الحجاب الساتر يقولن كلمة واحدة: "ياااه ..انا اشعر بأني صرت أقرب لربنا وإنو راضي عني اكثر.." يا ترى ليه بيقولوا هيك؟؟ اترك لكي الاجابة..
اللهم أرِنا الحق حقا وارزقنا اتباعه وأرِنا الباطل باطلا وارزقنا اجتنابه..
انا متفقه مع كلام حب العمر وايضا متفقه مع الاخت نور احمد عن مش كل واحده لابسه خمار او نقاب شرط انها تكون بتراعى ربنا في كل تصرفاتها وحطه شرع ربنا ادامها انا اعرف بنات كتير مش بنقاب او خمار او حتى اسدال ولكن محجابات عادين بس بيراعوا ربنا في كل شئ في حياتهم برده وعلى فكره انا في راى ان النقاب مش فرض لان ربنا سبحانه وتعالى امرنا عند الحج باظهار الوجه وايضا في الصلاه ربنا مش هيامرنا بشئ مش في مصلحتنا او حرام استغفر الله العظيم وانا في رايى ان الاسدال هو اللبس اللى نفسي كل البنات تلبسه بجد ادعوا الله بذلك على الرغم من انى مش لبساه بس اتمنى انى البسه اما بالنسبه للمشايخ فانا مش بثق في كلام اى شيخ بسهوله الا اذا كنت مقتنعه بالكلام ده مائه بالمائه واكون حسه ان الكلام ده منطقي ويناسب الكلام اللى موجود في القرأن او السنه وانا مره سمعت من شيخ ان شرب السجاير في نهار رمضان لايفطر الصيام على اساس انه دخان فقط يخرج من الفم ولا يفطر وكان هذا الشيخ من الازهر وانا غضبت جدااا لما سمعت الكلام ده لدرجه انى كان نفسي يكون ادامى الشيخ ده واطلع فيه غيظى وفي اخر الكلام اللهم جعلنا من الذين يسمعون القول ويتبعوا احسنه ...امين يارب العالمين . (شوشو)
السلام عليكن ورحمة الله وبركاته
بدايه انا والله العظيم سعيده جدا بكل التعليقات السابقه واحسست فيها انكن تبغين معرفة الحق واسال الله العظيم ان يرزقنا جميعا اتباعه
لا يحق لاي منا ان يتفوه باي كلمة علي علمائنا الاجلاء علماء الازهر الشريف ولكن عن نفسي في بداية كل امر اريد معرفة حكمه الشرعي اسال نفسي سؤال صريح انتي فعلا عايزه تعرفي الحق وتعمليه ولاده مجرد روتين وبتضحكي علي نفسك"يخادعون الله وهو خادعهم" صح ولاايه؟
عايزه اتقرب من ربنا يبقي اشوف امرني بايه؟
بالحجاب ما هو الحجاب؟ يعني ايه لما اقوللك ان في شئ محجوب عن عيني يعني عيني مش شايفه فانت بنقابك اختاه دره مكنونه وجوهره مصونه يوجد حديث لرسولنا صلي الله عليه وسلم فيما معناه لا تنتقب المراه المحرمه ولا تلبس القفازين معني كده انها في غير الاحرام لازم تكون لابسهم واما تكون في الاحرام تسدل شئ علي وجهها غير مخيط وخفيف لتتمكن من الرؤيه
والله ياجماعه ما احلاها من طاعه نتقرب بها الي ولاامن علي الله بها فهو الهادي اليها
علشان انهي موضوع فرضيه النقاب ام استحبابه خذيها بالقياس اما كنت في ثانويه عامه والاستاذ فرض عليكي منهج تذاكريه وبعدين قال لكي الصفحه دي ممكن يجي منها سؤال وممكن لا هتعملي ايه؟ الطبيعي ان انتي هتقوللي يعني جت علي دي هذاكرها احتياطي
طيب لو روحتي لربنا وعرفتي ان النقاب فرض هتعملي ايه ساعتها؟
ده اللي دفعني عن نفسي ابحث في الموضوع واليكم بعض الشرائط التي اسال الله ان تساعدكم الحجاب للشيخ محمد حسان وشبهات في وجه النقاب للشيخ محمد حسان
سلام الله عليكن وللحديث بقيه باذن الله
إرسال تعليق